GEO / ENG / RUS
 
 
     

გერმანელები საქართველოში

                                            

 

დანაშაულის დამამძიმებელ გარემოებად შეუწყნარებლობის მოტივი ჩაითვლება 

2012 წლის 27 მარტს, მესამე მოსმენით, პარლამენტმა სისხლის სამართლის კოდექსში ცვლილებები დაამტკიცა. ამ ცვლილებების მიხედვით, შეუწყნარებლობის მოტივი დანაშაულის დამამძიმებელ გარემოებად ჩაითვლება.

დანაშაულის ჩადენის დამამძიმებელ გარემოებად შეიძლება ჩაითვალოს „რასის, კანის ფერის, ენის, სქესის, სექსუალური ორიენტაციის, გენდერული იდენტობის, ასაკის, რელიგიის, პოლიტიკური და სხვა შეხედულებების, შეზღუდული შესაძლებლობების, მოქალაქეობის, ეროვნული, ეთნიკური და სოციალური კუთვნილების, წარმოშობის, ქონებრივი და წოდებრივი მდგომარეობის, საცხოვრებელი ადგილის ან სხვა მადისკრიმინირებელი ნიშნით“ ჩადენილი დანაშაული.

ქურთული კულტურის დღეები 

2012 წლის 17–25 მარტს საქართველოში ქურთული კულტურის დღეები გაიმართა. ღონისძიების ორგანიზატორი იყო სათემო ცენტრი "საქართველოს ეზიდთა სახლი". კულტურული დღეების საქართველოს ეროვნულ მიზეუმში გაიხსნა. გამოფენა მიეძღვნა ეზიდტა დღესასწაულ "კლოჩა სარე სალეს". მუზეუმში გამოფენილი იყო ეზიდების მატერიალური კულტურისა და ყოფის მე–19 საუკუნის ნიმუშებბი, რომლებიც საუკუნეზე მეტი ინახებოდა საქართველოს ეროვნული მუზეუმის დახურულ ფონდში. 

ნოვრუზ ბაირამი 

21 მარტს, მრავალი სხვა ქვეყანის მსგავსად, ნოვრუზ ბაირამი საქართველოშიც აღინიშნა. ამ დღესთან დაკავშირებით მიხეილ სააკაშვილის საგანგებო მილოცვაში წერია, რომ პრეზიდენტისათვის ნოვრუზ ბაირამი ისეთივე ახლობელი და ძვირფასია როგორც სხვა ყველა მნიშვნელოვანი დღესასწაული საქართველოში. "დღეს მეც თქვენთან ერთად ვხარობ და იმედის თავლით შევყურებ ჩვენი სამშობლოს მომავალს. ნოვრუზი ოჯახური დღესასწაულია და მეც, როგორც თქვენი ოჯახის წევრი, ვიზიარებ იმ სიხარულს, რომელიც ნოვრუზ ბაირამის დადგომას უკავშირდება", – აღნიშნავს მიხეილ სააკაშვილი.

ეროვნული უმცირესობების საბჭოს წევრების შეხვდრა რეგიონული განვითარებისა და ინფრასტრუქტურის მინისტრთან 

2012 წლის 16 მარტს სახალხო დამცველთან არსებული ეროვნული უმცირესობების საბჭოს წარმომადგენლები შეხვდნენ რეგიონული განვითარებისა და ინფრასტრუქტურის მინისტრს, რამაზ ნიკოლაიშვილს.

შეხვედრა გაიმართა 2010 წლის 15მარტს საქართველოს რეგიონული განვითარებისა და ინფრასტრუქტურის  სამინისტროსა და საქართველოს სახალხო დამცველს შორის დადებული მემორანდუმის ფარგლებში. მემორანდუმი ითვალისწინებს, საბჭოს წევრებისა და  სამინისტროს წარმომადგენლების პერიოდულ შეხვედრებს. ამ შეხვედრების მიზანია ეთნიკური უმცირესობების საკითხებთან დაკავშირებული ინფორმაციის ურთიერთგაზიარება და საბჭოს წევრებისათვის  სამინისტროს მიმდინარე და დაგეგმილი საქმიანობის გაცნობა

ანონსი: ქურთული კულტურის დღეები საქართველოში 

სათემო ცენტრი "საქართველოს ეზიდთა სახლი" საქართველოს ეროვნული მუზეუმის მხარდაჭერით,  ა/წ 17-25 მარტს, ატარებს "საქართველოში ქურთული კულტურის დღეებს". ღონისძიებათა ციკლი გაიმართება  საქართველოში ერაყის რესპუბლიკის ელჩის, ტაიბ მუჰამედ ტაიბის პატრონაჟით და საქართველოს საზოგადოებრივი მაუწყებლის საინფორმაციო მხარდაჭერით.

კულტურის დღეეების გახსნა საზეიმო ვითარებაში გაიმართება ა/წ 17 მარტს 17:00 ს-ზე, საქართველოს ხელოვნების მუზეუმში (ლ. გუდიაშვილის 1). გამოფენა ღიაა 25 მარტამდე უფასო დასწრებისთვის.

მიხეილ თამარაშვილის წიგნი 

მიხეილ თამარაშვილის გარდაცვალებიდან მე-100 წლისთავთან დაკავშირებით, საქართველოს კულტურისა და ძეგლთა დაცვის სამინისტრომ ქართული წიგნისა და ლიტერატურის ხელშეწყობის პროგრამის ფარგლებში თავიდან გამოსცაქართველი მეცნიერისა და საზოგადო მოღვაწის მიხეილ თამარაშვილის წიგნი ,,ისტორია კათოლიკობისა ქართველთა შორის”. წიგნში, რომელიც მდიდარია ისტორიული საბუთებითა და განმარტებებით, ასახულია საქართველოში კათოლიკური რწმენის გავრცელების ისტორია. ხელახლა გამოცემამდე წიგნი ბიბლიოგრაფიულ იშვიათობას წარმოადგენდა.

ეროვნული უმცირესობების საბჭოს შეხვედრა შინაგან საქმეთა სამინისტროს წარმომადგენლებთან 

2012 წლის 7 მარტს, შინაგან საქმეთა სამინისტროში გაიმართა სახალხო დამცველთან არსებული ეროვნული უმცირესობების საბჭოსა და შსს თანამშრომლების შეხვედრა. შეხვედრას ესწრებოდა სახალხო დამცველის მოადგილე, ტატა ხუნწარია.

შეხვედრა გაიმართა 2010 წლის 4 თებერვალს, საქართველოს შინაგან საქმეთა სამინისტროსა და საქართველოს სახალხო დამცველს შორის, დადებული მემორანდუმის ფარგლებში. მემორანდუმი ითვალისწინებს, საბჭოს წევრებსა და  სამინისტროს წარმომადგენლებს შორის პერიოდულ შეხვედრებს. ამ შეხვედრების მიზანია ეთნიკური უმცირესობების საკითხებთან დაკავშირებული ინფორმაციის ურთიერთგაზიარება და საბჭოს წევრებისათვის  სამინისტროს მიმდინარე და დაგეგმილი საქმიანობის გაცნობა.

სახალხო დამცველის გამოსვლა რელიგიური გაერთიანებების რეგისტრაციის წესთან დაკავშირებით 

2012 წლის 29 თებერვალს საქართველოს სახალხო დამცველი, გიორგი ტუღუში  სასტუმრო „თბილისი მერიოტში“ ადამიანის უფლებათა ცენტრის ახალი საიტის - www.religiebi.info-ს პრეზენტაციას დაესწრო. მან ასევე მონაწილეობა მიიღო დისკუსიაში, რომელიც რელიგიური ორგანიზაციების რეგისტრაციის შესახებ საქართველოს სამოქალაქო კოდექსში შეტანილი ახალ ცვლილებებს ეხებოდა. სახალხო დამცველმა მოკლედ მიმოიხილა რელიგიური უმცირესობების პრობლემები და საკანონმდებლო ცვლილებებს წინ გადადგმული ნაბიჯი უწოდა.

ეროვნული უმცირესობების საკითხებზე ეუთოს უმაღლესი კომისარი სახალხო დამცველის ოფისში 

‎2012 წლის 22-23 თებერვალს საქართველოში ვიზიტით იმყოფებოდა ეროვნული უმცირესობების საკითხებზე ეუთო-ს უმაღლესი კომისარი, კნუტ ვოლებეკი. ვიზიტის მთავარი მიზანი იყო ეროვნული უმცირესობებთან დაკავშირებული საკითხების შესწავლა და შეფასება, ასევე, ოკუპირებულ ტერიტორიებზე არსებული მდგომარეობის შესახებ ინფორმაციის მიღება.

23 თებერვალს კნუტ ვოლებეკი შეხვდა საქართველოს სახალხო დამცველს, გიორგი ტუღუშს,  ასევეე სახალხო დამცველთან არსებულ ტოლერანტობის ცენტრისა და რელიგიური და ეთნიკური საბჭოების წარმომადგენლებს.

ოვანეს თუმანიანის საღამო და წიგნების ჩუქების დღე 

2012 წლის 19 თებერვალს სომეხთა სამოციქულო წმინდა მართლმადიდებელი ეკლესიის კულტურულ, საგანმანათლებლო და ახალგაზრდულ ცენტრში „ჰაიარტუნში“ გაიმართა  ცნობილი პოეტისა და მწერლის ოვანეს თუმანიანის ხსოვნის საღამო. საღამოზე შეკრებილ ახალგაზრდებს სომხურ თემში არსებული ტრადიციის მიხედვით, წიგნებს ურიგებენ საჩუქრად. ეს ტრადიცია სასომხეთის მთავრობამ 2008 წელს ოფიციალურად აღადგინა და იგი ოვანეს თუმანიანის დაბადების დღეს დაუკავშირა.

 

ჟურნალი სოლიდარობა

ეთნოსები საქართველოში

რელიგიები საქართველოში

დამდეგი დღესასწაული

ეზიდური, 15 დეკემბერი

აიდა ეზიდი

ვებ გვერდი შექმნილია გაეროს განვითარების პროგრამის (UNDP) მხარდაჭერით     
 


Created By Intellcom Group