ფესტივალი „ერთი ცის ქვეშ – კულტურათა დიალოგი"

2013 წლის 19 ოქტომბერს, მულტიეთნიკური კულტურის ფესტივალის „ერთი ცის ქვეშ – „კულტურათა დიალოგი“ ფარგლებში, გრიბოედოვის სახელობის თბილისის რუსულ დრამატულ თეატრში ფოლკლორული კონცერტი გაიმართა. უკვე ტრადიციად ქცეული ფესტივალის ორგანიზატორია „საქართველოს გაეროს ასოციაცია“.

ფესტივალი "კულტურათა დიალოგი" ნაწილია „ეროვნული ინტეგრაციის გაძლიერების“ მრავალკომპონენტიანი პროექტისა, რომელსაც „საქართველოს გაეროს ასოციაცია“  აშშ-ის საერთაშორისო განვითარების სააგენტოს მხარდაჭერით ახორციელებს.

ფესტივალი ჩატარდა რეინტეგრაციის საკითხებში საქართველოს სახელმწიფო მინისტრის აპარატთან, კულტურისა და ძეგლთა დაცვის სამინისტროსა და სპორტისა და ახალგაზრდობის საქმეთა სამინისტროსთან მჭიდრო თანამშრომლობით.