კლოჩე სარე სალის დღესასწაული
13–14 მარტს ეზიდები კლოჩე სარე სალის დღესასწაულს აღნიშნავენ. კლოჩე (ნამცხვარი) სარე სალი (წლის დასაწყისი) განახლების, გაზაფხულის, ახალი სიცოცხლის, ახალი წლის დაწყების სიმბოლოა. წინა დღეს, მიცვალებულთა მოსახსენიებლად, ეზიდები მეზობლებსა და ახლობლებს ქადებით უმასპინძლდებიან. ტრადიციულად, იმავე საღამოს ოჯახის დიასახლისი საახალწლო ნამცხვარს, კლოჩს , აცხობს, რომელშიც მძივის ერთი ბურთულაა დამალული.
მეორე დილას ოჯახის უფროსი კლოჩს შვიდი წმინდანისა და ოჯახის წევრების სახელზე ჭრის. თუკი რომელიმე წმინდანის სახელზე დაჭრილ ნაჭერშიც აღმოჩნდება მძივის ბურთულა, ის წმინდანი იქნება იმ წელს ოჯახის მფარველი, ხოლო თუ ოჯახის წევრთა სახელზე განკუთვნილ ნაჭერში აღმოაჩენენ, მაშინ ოჯახის ეს წევრი წლის მეკვლე ხდება.
კლოჩის დაჭრის ტრადიცია დასაბამს ამგვარი გადმოცემიდან იღებს – როდესაც ლალიშში (ეზიდდა რელიგიური ცენტრი, ერაყის ქურთისტანი) წმინდა შეიხები შეიკრიბებნენ, კლოჩში მძივის ბურთულას ჩააგდეს და ის, ვისაც მძივის ბურთულა შეხვდა, მთავარი შეიხი გახდა.
სახახლო დამცველთან არსებული ტოლერანტობის ცენტრი საქართველოში მცხოვრებ ეზიდებს კლოჩე სარე სალის დღესასწაულს ულოცავს.