ეთნიკურ უმცირესობათა საბჭო ყაზბეგში

2013 წლის 19-21 ნოემბერს საქართველოს სახალხო დამცველთან არსებულ ტოლერანტობის ცენტრს და ეროვნულ უმცირესობების საბჭოს ქონდა გასვლითი შეხვედრა დაბა ყაზბეგში. ამ დღეების მანძილზე ორგანიზაცია ”პარტნიორები - საქართველო” წევრებმა ჩაატარეს ტრენინგი ”გუნდი და გუნდური მუშაობა”. ტრენინგები ჩატარდა საქართველოს გაეროს ასოციაციის პროექტის ”ეროვნული ინტეგრაციის გაძლიერება” ფარგლებში. პროექტი დაფინანსებულია აშშ-ის საერთაშორისო განვითარების სააგენტოს მიერ.

ტრენინგი ითვალისწინებდა მონაწილეთათვის ისეთი თემატიკის გაცნობას, როგორიცაა გუნდის მუშაობის ეფექტურობის განმსაზღვრელი ფაქტორები, ამოცანის გადაჭრისა და მხარდაჭერის როლები, სიტუაციური ლიდერობის მოდელები და ა.შ. ტრენინგი მიზნად ისახავდა ეთნიკურ უმცირესობათა საბჭოს წევრების გაძლიერებას გუნდური მუშაობის პრინციპებში.