სერგო ფიდანიანის ფოტოგამოფენა "სომხები საქართველოში"

10 ივნისს, 17:00 საათზე, საქართველოს პარლამენტის ეროვნული ბიბლიოთეკის საკონფერენციო დარბაზში ფოტოგრაფ სერგო ფიდანიანის ფოტოგამოფენა გაიმართა.

ახალციხელი ფოტოგრაფის ფოტო-ნამუშევრები ასახავს საქართველოში სომეხი ხალხის ცხოვრების სხვადასხვა ასპექტებს. ფოტოები გამოირჩევა როგორც მხატვრული ღირებულებითა და მრავალფეროვანი თემატიკით, ასევე ხედვისა და ტექნიკური ნიუანსების თვალსაზრისით.

გამოფენა ორგანიზებული იყო საქართელოს სახალხო დამცველთან არსებული ტოლერანტობის ცენტრის მიერ აშშ-ის საერთაშორისო განვითარების სააგენტოს (USAID) მიერ დაფინანსებული საქართველოს გაეროს ასოციაციის (UNAG) პროექტის „ეროვნული ინტეგრაციის გაძლიერება საქართველოში“ მხარდაჭერით.